Так назвалі новы від прадукцыі хлебазавода, выпуск якой асвоілі на прадпрыемстве.
Нядаўна на хлебазаводзе набылі лінію нямецкай фірмы “Нагема”па вырабу вафельнай прадукцыі, якая здольна прыгатаваць 700 кілаграмаў салодкай прадукцыі ў змену.
Пуска-наладачныя работы праводзілі як спецыялісты хлебазавода, так і ААТ “Булачна-кандытарская кампанія “Дамачай”. Пробная партыя вафлі “Магілёўскі пачастунак” са смакам клубніц з смятанкай і з шакаладнай начынкай паступілі ўжо ў гандлёвую сетку нашага раёна. Пакупнікі засталіся задаволеныя новай прадукцыяй завода, аб чым сведчаць водгукі.
Абслугоўваюць новую печ па вытворчасці вафлі пяць работнікаў прадпрыемства, якія асвоілі тэхналогію прыгатавання новых кандытарскіх вырабаў.
На прадпрыемстве плануюць з мэтай паляпшэння фінансавага стану пашырыць асартымент прадукцыі і рынак збыту. І ў гандлёвую сетку не толькі нашага раёна, вобласці, а нават і ў іншыя рэгіёны рэспублікі паступяць вафельныя вырабы прадпрыемства. У перспектыве тут будуць вырабляць не толькі «Магілёўскія пачастункі», а і вафельныя торты і вафлі ў шакаладнай глазуры і інш.
Прыемнага апетыту!
Наталля КАВАЛЁВА.
